پونچھ ٹائمز ويب ڈيسک

جموں کشمیر نیشنل عوامی پارٹی کے مرکزی صدر سردار لیاقت حیات خان اور مرکزی سیکرٹری جنرل سردار عبدالستار خان ایڈووکیٹ ،مرکزی صدر این ایس ایف وقاص خالق اور مرکزی سیکرٹری جنرل تیمور خان نے کارکنان کے نام جیل سے پیغام جاری کیا ہے کہ پارٹی کی سیکنڈ لائن قیادت جو باہر موجود ہے اور باہمی مشاورت کے ساتھ احتجاج کے حوالے سے جو پالیسی جاری کی جارہی اسکو تمام لوگ انقلابی ڈسپلن کے تحت فالو کریں۔
آپ کا پہلا اور بنیادی مطالبہ ریاست جموں کشمیر کی تقسیم کے عمل کو روکنا ہے جبکہ ہماری رہائی کا مطالبہ ثانوی حیثیت رکھتا ہے۔
پارٹی کی بیرون ممالک برانچز کے دوستوں کے کیلیے مرکزی صدر کا پیغام ہے کہ تمام ممالک میں پاکستانی سفارتخانوں کے باہر احتجاجی مظاہرے کیے جائیں ۔
اسکے ساتھ ساتھ تمام اسیران نے مشترکہ پیغام دیا ہے کہ وہ کسی صورت ضمانتیں نہیں کروائیں گے۔اور کسی طرح کا سمجھوتہ نہیں کرینگے۔

بشکريہ اسد نواز