قدیم اور مشکل ترین  کھیل  شطرنج نے نندا دربار میں کورنش بجا لایا تو خوش ھوتے بادشاہ وقت کا فرمان ” مانگو کیا مانگتے ھو ” بلندھوا تو شطرنج کے موجد ” سیسہ ” نے چونسٹھ 64 خانوں کو اسکے فارمولے کے مطابق چاولوں سے بھرنے کی مانگ کی۔ جو پہلے دنپہلے خانہ  میں ایک چاول دوسرے دن دو ، تیسرے دن چار جو بتدریج ھر روز ھر خانے میں ڈبل ھوتے جائیں گے ۔ جس پر درباریتمسخر کے ساتھ عملدرآمد شروع ھوا تو آٹھویں دن پہلی رو 128 پر مکمل ھوئی ۔ سولہویں دن تعداد 32768 اور چوبیسویں دن تیسریرو کا اختتام 80 لاکھ پر ھوا تو  بادشاہ سمیت درباریوں کا اپنا تمسخر بنتا نظر آنے لگا ۔ پریشانی کی انتہا اس وقت عروج پر پہنچی جبچوتھی رو / لائن کے اختتام سے پہلے ہی سلطنت میں چاولوں کا خاتمہ ھو گیا تو انعام کا شاھی فرمان ایفا نہ ھونے کی خفت میں موجدکا سر قلم کر دیا گیا ۔ بعد ازاں مائیکرو سافٹ کے ولیم ھنری بل گیٹس بھی  اپنے جدید کیلکیولیٹرز اور کمپیوٹرز سے چاولوں کی اصل تعداد معلوم کرنے میںناکام رھا اور ایک کے ساتھ 19 صفر کا اضافہ کرتے ایک بوری میں ایک ارب چاول،  اور 18 ارب بوریوں کا اندازہ پیشںکیا ۔جو اسلیئے غلط ثابت ہوا چونکہ 19 صفروں کی تعداد شطرنج کے خانوں میں 28 ویں دن ھو جاتی ہے،  جبکہ 64 تک پہنچنے میں 36 دن اور ھر دن ڈبل رھتے ھیں جو تاحال حل طلب ہے۔ شطرنج کے موجد کا سر تو اسکے فارمولے کی بھول بھلیوں میں کھو گیا لیکن اس کا تیار کردہ کھیل زندہ رھا،  جو ھندوستان سے نکلتےایران پہنچا پھر عرب وھاں سے  مصر کے راستے یورپ پہنچا تو یورپین نے آگے بڑھتے گرم جوش استقبال کیا بلکہ کھیل کے مرتبکردہ قوانین کا بغور مشاہدہ کرتے انھیں عملی زندگی کا حصہ بناتے گھوڑے کی اڑھائی قدم چال کو سمجھتے نہ صرف گھوڑوں بلکہ انسانوںکو سدھانے کے فن سے روشناس ھوتے یورپ سے نکلتے افریقہ و امریکہ کے براعظموں پر حکمرانی کے وسیع تجربے اور منصوبہ بندیسے ایشیا میں وارد ہوئے تو ھندوستان کو مسکن بناتے ” سیسہ ” کے کھیل شطرنج کی طرز پر کلاواری، انفينٹری اور ايليفنٹری میںتقسیم کرتے، ہندوستانی سرزمین اسکی افرادی قوت اور وسائل کو بروئے کار لاتے  وقت کی بڑی طاقت سلطنت عثمانیہ کو چیلنج کیا۔اور ورلڈ وار ون میں  مات دیتے عالمی حکمرانی کا تاج سجائے تخت نشین ھوا اور دنیا کے نقشے پر نئی لکیریں کھینچی گئیں ۔ برطانوی حکمرانی کی ابھی دو دہائیاں مکمل نہ ھوئی تھیں کہ جرمنی کے ایڈوولف ھٹلر نے جاپان کی آشیرباد سے اسکی حکمرانی کو چیلنجکرتے ورلڈ وار ون کا آغاز کیا۔ حسب سابق ھندوستانی وسائل،سرمایہ،  افرادی قوت برطانوی ریڑھ کی ھڈی ثابت ھوئی اور ایک بارپھر برطانیہ فاتح عالم رھا۔ لیکن جاپان پر ایٹمی حملہ کرنے والی نئی ابھرتی طاقت امریکہ اور روس شریک چمپیئن بنے لیکن مال غنیمتکی بانٹ پر فاتح دو متحارب بلاکوں سرمايہ دار اور سوشلسٹ میں تقسیم ھوے تو کوڈ وار  کے نام سے ایک نئی عالمی بساط بچھی ۔جس میں ایک بار پھر برطانیہ کی کھینچی ڈیورنڈ لائن اور اسکے تربیت یافتہ مشرقی ایشیائی گھوڑوں کی اعلی کارکردگی اور زبردست موثر  چالوں نے روس کی صفوں کی صفیں الٹ دیں ۔اور چیک میٹ ھو گیا تو امریکہ بلا شرکت غیرے دنیا کی تقسیم عمل میں لایا ۔ امریکی بدست ھاتھی دنیا میں اپنے مقابل اٹھنے والی ھر تحریک اور ھر آواز کو نیست و نابود کرنے کے درپے ہے۔   چین کے  معاشی استحکام اور ھانگ کانگ کے چھن جانے کے بعد  امریکہ نے اپنے سابقہ تجربے اور خطے کی اھمیت کے پیشں نظر ،اپنے سابق بگھوڑوں پر انحصار کرتے چین کی سپلائی لائین بند کرنے کیلئے۔ ھمالیہ پر نئی عالمی بساط بچھاتے میدان میں کود پڑا ہے ۔ شطرنج کے کھیل میں جہاں پیادے سے بادشاہ تک تمام کردار موجود ھوتے ھیں،  وہیں سب سے اھم کردار موجود نہیں ھوتا اور وہ ھے  “جج” اب دیکھنا یہ ہے کہ کیا یہ ریجن اپنی تاریخ یعنی کچھ عرصہ بعد  آقا کی تبدیلی کے عمل کو سامنے رکھتے نئے آقا چین کو حکمرانی کا موقعدیتے نیا عالمی جج اور تقسیم کار بناے گا یا اپنی پرانی تنخواہ پر ھی امریکی ڈیوٹی کو جاری و ساری رکھتے  سرانجام دیتا رھے گا ۔ اس سب کا انحصار گھوڑے کی رکاب اور اس پر کنٹرول کس کا ھے ۔   مصنف جموں کشمیر پیپلز نیشنل پارٹی کے ڈپلومیٹک فرنٹ کے چيئرمين ہيں۔ 

کوئ بھی شخص اُس وقت تک مسلمان نہيں ہو سکتا جب تک نبی کريم صلم پہ ايمان نہ لاۓ، اپنی جان، مال و عزت سے بڑھ کرنبی کريم صلم سے محبت نہ کرے۔ اللہ تعالی نے يہ کائنات اپنے پيارے محبوب ہی کے لئے بنائ اور سرکارِ دو عالم محمدِ عربی صلم نے اس دُنيا ميں سليقے سے رہنے کا عملی نمونہ پيش کيا جسے اپناتے ہوۓ دُنيا و آخرت کی بھلائ سميٹی جا سکتی ہے۔ ناموسِ رسالتصلم کو لے کر پاکستان ميں ايک عرصے سے بحث مباحثے جاری ہيں اور کبھی کبھار تو عالمی زرائع ابلاغ ميں نبی صلم کی شان ميںگستاخيوں پر عُشاقِ رسول صلم سڑکوں پر احتجاجا نکل آتے ہيں۔  بالکل بجا ہے کہ ايک ايسی ہستی جو ايمان کی بنياد ہو جس سے اربوں انسانوں کا ايمان اور تقدس جُڑا ہو اُس شخص کے کردار سےمذاق کرنے کی کوشش کرنا کسی بھی سماج ، مذہب يا نقطہ نظر ميں کسطرح درست ہو سکتا ہے؟ اربوں انسانوں کی دل آزاریراۓ کی آزادی کيسے ہو سکتی ہے؟ ہر مُسلمان کو ايسی گُستاخيوں کے خلاف بھرپور احتجاج کا حق ہے کہ وہ اپنی حکومتوں کو مجبورکريں کہ وہ اس بارے ميں قدم اُٹھائيں۔  پاکستان دُنيا ميں واحد مسلمان مُلک نہيں ہے اور نہ ہی اسلام کی ٹھکيداری کا کوئ معاملہ کسی کو ذہن ميں رکھنا چاہيے۔ حکومت کواس بابت توجہ دلانے اور درست فيصلہ لينے بارے احتجاجات کی حد تک تو بات درست ہے مگر کيا صرف ناموسِ رسالت صلم کیتوہين صرف اُسی وقت ہوتی ہے جب کوئ غير مسلم کرے؟ کيا رسالتِ مآب صلم کی توہين پاکستان بلکہ پُوری اسلامی دُنيا ميں خودمُسلمانوں کے ہاتھوں ہر روز عملًا نہيں ہو رہی؟  ہميں اندھوں کی طرح ڈانگ پھير نے کی بجاۓ آنکھيں اور دماغ کھول کر اسلام اور نبی اکرم صلم کی تعليمات کو سامنے رکھتے ہوۓاپنا محاسبہ کرنا انتہائ ضروری ہے۔ قرآنِ حکيم ميں اللہ تعالی فرماتے ہيں کہ سُودی نظام اللہ اور اُسکے رسول صلم کے خلاف کُھلااعلانِ جنگ ہے تو اللہ اور اُسکے رسول صلم کے خلاف اس کُھلی  جنگ ميں ہم کہاں کھڑے ہيں؟ رسول اللہ صلم کا ارشاد ہے کہرشوت دينے والا اور رشوت لينے والا دونوں جہنمی ہيں، ہم تو اعلاناً رشوت ليتے ديتے ہيں يہاں ہمارا عشق کہاں چلا جاتا ہے؟ رسولاللہ صلم نے فرمايا کہ کم تولنے والا اور ملاوٹ کرنے والا ہم ميں سے نہيں ، ہمارے دماغوں سے بازاروں تک کم تول و ملاوٹ کےانمنٹ ثبوت ہر روز ہر پل ناموسِ رسالت صلم کی کُھلی توہين ہيں مگر آج تک کوئ عاشق اس کُھلی بے حيائ کے خلاف باہر نکلا؟  اس پورے نظام ميں انسانيت سوز مظالم اب روز مرہ کا معمول بن گۓ ہيں۔ تھانے کچہری سے ليکر عدالت تک، منبر مسجد مدرسےسے ليکر يونيورسٹوں تک ، ہسپتالوں سے ليکر لاری اڈوں تک ، منڈيوں سے ليکر بازاروں تک ، حکومتی دفاتر سے ليکر خوانچہ فروشوںتک اس ملک کا ہر شہری ہر روز ناموسِ رسالت صلم کی عملًا توہين کا گواہ ہے مگر کبھی عشق نہيں جاگتا۔ اسلامی تعليمات ہيں کہ کوئپڑوسی بھوکا نہ سوۓ مگر يہاں ہزاروں لوگ فٹ پاتھوں پہ پيدا ہوتے اور مرتے ہيں اور کسی کو کوئ پراہ نہيں کسی کا عشق نہيں جاگتا۔  نبی اکرم صلم کی تعليمات ہيں کہ مومن جھوٹا نہيں ہو سکتا، آج تو جھوٹ گناہ ہی نہيں سمجھا جاتا۔ ظلم و سُتم کا بازار گرم ہے مگرہم نے اس ظلم و سُتم کو اپنی روزمرہ زندگی کا اسطرح حصہ بنا ليا ہے کہ ہميں جھوٹ بولنے، رشوت دينے يا لينے، جھوٹی گواہیدينے، کم تولنے، ملاوٹ کرنے ، دھوکا دينے، خيانت کرنے، استحصال کرنے جيسے بڑے بڑے ظلموں کو بالکل ظلم ہی نہيں سمجھتے۔ہمارا عشق يہاں کيوں نہيں جاگتا؟ ہمارا عشق اس سُودی نظام اور اسکے گماشتوں کے خلاف جدوجہد کو کيوں نہيں جاگتا؟ عزتيں لُوٹنے، انسانی اعضا بيچنے والوں کے خلاف ہم کيوں آواز نہيں اُٹھاتے؟ ہماری مُسلمانی اور عشق کسی کمزور پہ پوليس تشدد و بے گناہوں کی پھانسيوں و قیدوں پہ کيوں نہيں جوش ميں آتا؟  ہمارے نبی صلم فرما رہے تھے کہ صفائ نصف ايمان ہے اور آج ہماری گليوں و بازاروں ميں اٹی گندگی روز ہمارے عشق کوللکارتی ہے  مگر ہم نے اپنے عشق کا جوش صرف اُس وقت دکھانا ہے جب کوئ غير مُسلم نبی اکرم صلم کی شان ميں گُستاخیکرے گا۔ ہم اور ہمارے ہم مذہب بے شک روز اسلامی تعليمات کا گلا سر عام گھونٹتے رہيں کوئ مسئلہ ہی نہيں۔  يہ اندھوں کی طرح  ڈانگ پھيرنا ہے اور مجرمانہ رويہ ہے کہ ہم اپنے ارد گرد تو اسلامی تعليمات کے ساتھ روز ہونے والے کھلواڑ پہخاموش رہيں بلکہ اسے کوئ بُری چيز ہی خيال نہ کريں اور ہماری پہنچ سے بہت دور کوئ کسی اور انداز سے وہی گھٹيا کام کرے تواس پہ چلا چلا کر ملک سر پہ اُٹھا ديں۔ ضروری يہی ہے کہ ہم انسان اور سچے مسلمان بن کر اپنے ارد گرد ہونے والے جملہ مظالم کوناموسِ رسالت صلم پر حملہ جانتے ہوۓ انکے خلاف کھڑے ہوں اور اس سُودی نظام کے خلاف جو کہ اللہ اور اُسکے رسول صلم کے خلاف کُھلی جنگ ہے کے خلاف صفِ آرا ہوتے ہوۓ اسے جڑ سے اکھاڑ کر نبی اکرم صلم کی تعليمات کے مطابق ايک انسان دوست اور مساوی معاشرہ تعمير کرنے ميں کردار ادا کر کے دُنيا و آخرت ميں سُرخ رو ہوں۔ 

اس سیاست کے لئیے ایک برادری کی ضرورت ہوتی ہے ۔اور وہ برادری کون لوگ ہیں ۔۔ ہم سارے – اگر ہم خود برادری کےگرداب میں نہ گریں تو برادری ازم بھی ختم ہو جائے گا اور برادری کی سیاست کرنے والے بھی – ثابت ہوا کہ اصل مسئلہ ہمعوام الناس خود ہیں۔  چندمخصوص گھرانوں کی اجارہ داری یە اجارہ داری بھی بنیادی طور پر ہمارے سماجی رویوں کے باعث ہی قائم ہوتی ہے – اگر ہم اپنے رویوں کو بدلنے میں کامیاب ہوجائیں تو اس لعنت سے کافی حد تک چھٹکارا مل سکتا ہے – اس اجارہ داری کے پیچھے دوسرا بڑا عمل دولت ہے – اکثر دولت مندلوگ اپنا سماجی مقام اونچا کرنے کے لئیے دولت کا استعمال کرتے ہیں اور کافی حد تک کامیاب بھی رہتے ہیں – لیکن اگر ہم دولتپسندی اور دولت کیشی سے مرعوب ہونے کے بجائے اصول پسندی اور کردار کو اہمیت دیں تو اس لعنت سے نجات ممکن ہے ۔ غریب کا مسلسل استحصال اس استحصال کے پیچھے بھی بنیادی طور پر دولت پسندی ہی کارفرما ہوتی ہے – تاہم قانون اور عدالت نظام کی کمزوریاں بھی اسصورتحال کا موجب بنتی ہیں – گھوم پھر کر بات پھر ہم سب پر ہی آ کر رکتی ہے – اگر ہم قانون کو مذاق  بنانے والوں کے  خلافصف آراء ہو جائیں ۔۔اور اپنے ووٹ کی طاقت کا استعمال کر کے اپنے حکمرانوں کو بہتر قانون سازی پر مجبور کریں ۔۔توصورتحال  کافی بدل سکتی ہے – اس ضمن میں وکلاء اور سول سوسائٹی اہم کردار ادا کر سکتی ہے۔ تعلیم، صحت اور دیگر شعبوں کی ناقص کارگردگی کا بنیادی سبب مناسب قوانین کی عدم موجودگی، عدالتی نظام کی خرابیاں اور قانون پرعملدرامد کے لیئیے سماجی سطح پر قوت ارادی کا فقدان ہمارے اداروں کی  تباہی کا سبب ہے۔ تبدیلی راتوں رات نہیں آئے گی – یہ عمل خاصا سست رفتار اور صبر آزما ہو گا – تاہم کبھی نہ کبھی اس عمل کو شروع تو کرناہیپڑے گا ۔۔ تو پھر آج اور ابھی سے اس عمل کا آغاز کیوں نہ کیا جائے۔ اس ساری تحریک کو منظم کرنے کے لئیے ایک غیر سیاسی سماجی پلیٹ فارم کا قیام بھی کرنا ہو گا ۔۔جو سارے عمل کو مربوط اورمنظم انداز میں آگے بڑھا سکے ۔ مگر بنیادی بات اقبال والی ہے۔۔۔۔ جو ہو ذوق یقیں پیدا تو کٹ جاتی ہیں زنجیریں