پونچھ ٹائمز ويب ڈيسک

پاکستانی زير انتظام جموں کشمير کے سابق وزیر تعلیم اور پاکستان پيپلزپارٹی آزادکشمير کے نائب صدر مطلوب انقلابی آج صبح انتقال کر گۓ۔ مطلوب انقلابی کی موت پر ہر آنکھ اشکبار ہے۔ تفصيلات کے مطابق پاکستان پيپلزپارٹی آزادکشمير کے نائب صدر مطلوب انقلابی گرنے کی وجہ سے زخمی تھے اور ہسپتال داخل تھے۔ مطلوب انقلابی کا آج صبح انتقال ہو گيا۔ اُنکے انتقال کی خبر منظرِ عام پر آنے کے بعد سوشل ميڈيا پر سوگراری کی کيفيت ديکھنے ميں آئ۔ ہر مکتبہ فکر کا فرد مطلوب انقلابی کی موت پر غمگين و سوگوار ہے ۔ مطلوب انقلابی ‎آزاد کشمیر کی سیاست میں نمایاں مقام رکھنے والے خوبصوررت،خوش گفتار اور ان گنت خوبیوں کے مالک شخصیت تھے۔
مطلوب انقلابی کی نماز جنازہ آج کھوئیرٹہ سٹیڈیم میں ادا کی جائے گی۔
سوشل ميڈيا پر دُنيا بھر سے سياسی و سماجی رہنما پاکستان پيپلز پارٹی اور مطلوب انقلابی کی خاندان سے تعزيت کا اظہار کر رہے ہيں۔

پيپلز يوتھ آرگنائزيشن متحدہ عرب امارات کے سينئر نائب صدر فاروق بانياں مطلوب انقلابی کی موت بابت اپنے ويڈيو پيغام ميں بات کرنے کا حوصلہ کھو بيٹھے اور روتے ہوۓ اُنکی ہچکی بندھ گئ۔ دُنيا بھر سے مطلوب انقلابی کے سياسی و سماجی ساتھيوں کا ايسا ہی دُکھ بھرا منظر ديکھنے کو نظر آ رہا ہے اور ہر مکتبہ فکر کا انسان مطلوب انقلابی کی موت پر دُکھی ہے۔

دريں اثناء آزادکشمير کے وزير اعظم راجہ محمد فاروق حيدر نے مطلوب انقلابی کی موت پر سرکاری تعطېل اور ايک روزہ سوگ کااعلان کيا ہے۔