جموں کشمیر پیپلز نیشنل پارٹی کینیڈا برانچ کا کابینہ اجلاس عدنان یعقوب کی زیر صدارت منعقد ہوا۔ اجلاس میں برانچ کے سکریٹری جنرل شعیب خان نے برانچ کی کارکردگی کی رپورٹ پیش کی، جبکہ پریس سکریٹری عدیل احمد نے میڈیا کی ضرورت اور اس کی اہمیت پر تجاویز دیں۔

اجلاس میں پارٹی کے سینئر رہنما اظہر مشتاق نے بذریعہ زوم خطاب کیا اور پارٹی کے منشور کی روشنی میں پاکستانی زیر قبضہ جموں کشمیر کی مزاحمتی تحریک کی کامیابیوں اور مستقبل کے امکانات پر تفصیل سے گفتگو کی۔ اس اجلاس میں ایک قرارداد بھی منظور کی گئی جس میں پارٹی نے عوام کی جاری مزاحمتی تحریک کی حمایت کا اعلان کیا اور یہ عزم ظاہر کیا کہ وہ ہمیشہ عوام کے ساتھ کھڑی رہے گی، کیونکہ عوام غلامی سے چھٹکارے کے لیے ایک باوقار مستقبل کی لڑائی لڑ رہے ہیں۔

کابینہ نے ماہانہ اجلاس اور سٹیڈی سرکل کے انعقاد کی بھی منظوری دی تاکہ پارٹی کی فعالیت کو مزید مستحکم کیا جا سکے