جموں کشمیر گلگت لداخ ١٩ جولائی ١٩٤٧ میں ایک آزاد ریاست کے طور پر موجود تھی, اس کا ایک قانونی حکمران تھا, اپنا ایک آئین تھا, اسمبلی تھی حکومتی انتظامیہ اور آزاد عدلیہ تھی ریاست کے سارے ادارے کام کر رہے تھے, نیشنل کانفرس ایک بڑی جماعت کے طور پر موجود تھی, مسلم کانفرس کے علاوہ بھی سیاسی جماعتیں تھیں جن کو عوام میں وہ پزیرائی حاصل نہیں تھی جو ریاست کے قانونی حکمران مہاراجہ کو حاصل تھی یا نیشنل کانفرس کو, جس میں ریاست کے سارے خطوں اور مذاھب کے لوگ شامل تھے, ایسے میں مسلم کانفرس کے ایک دھڑے کے چند ممبران کے نام پر الحاق پاکستان کی قرارداد کا ڈرامہ, اس وقت سے منصوب کرنا جموں کشمیر کے عوام کے ساتھ ایک بیہودہ مذاق کے علاوہ کچھ نہیں, یہ سب جموں کشمیر ایک حصے پر قابض پاکستانی ریاست کی پروپگنڈا کمپین کا حصہ ہے جو اس طرح کے مصنوعی واقعات کو مخصوص دنوں سے جوڑ کر اپنے قبضے کو جاری رکھنا چاہتی ہے اس عمل کا جموں کشمیر کا ہر باشعور شہری مذمت کرتا ہے ۔