ويب ڈيسک

معروف آزادی پسند رہنما رحيم خان نے کہا ہے کہ ریاست جموں کشمیر لداخ گلگت کے لوگوں کو اپنی آزادی اور بنیادی حقوق کے لئے سب سے پہلے ایک دوسرے کو قائل کر کے ایک ہونا ہو گا ۔
اس بنیادی کام کو کئے بغیر کوئی سفارتی بین الاقوامی محاذ , کوئی مسلح محاز اور بندوق ان کو آزادی اور بنیادی حقوق نہیں دلا سکتی۔
سوشل ميڈيا پر جاری اپنے پيغام ميں اُن کا کہنا تھا کہ بنیادی کام سے پہلے بندوق کے استمعال نے لاکھوں معصوموں کی جان لی ہے اور جو آج بھی بنیادی کام کو چھوڑ کر اسی روش پر چل رہے ہیں وہ اصل میں یا تو قابض ریاستوں کے ایجنٹ اور سہولت کار ہیں یا مطلق جائل جو راہنمائی کا جھوٹا دعوی کر رہے ہیں جبکہ ان کے ہاتھوں پر بھی سارے معصوموں کا خون ہے جن کو ان کی جہالت کی وجہ سے سزا ملی اور جان سے ہاتھ دھونا پڑا , وقت نے ثابت کیا ہے یہ صرف کٹھ پتلیاں تھیں اور ہیں ,تاریخ ان کو معاف نہیں کرے گی اور تاریخ ایسے کرداروں کو کھبی معاف نہیں کرتی ۔