پونچھ ٹائمز ويب ڈيسک

عوامی ایکشن کمیٹی پونچھ کی کال پہ کل 21 دسمبر کو ہونے والے احتجاجی دھرنے کو روکنے کے لئے مختلف اضلاع سے پولیس کی نفری طلب کر لی گئی ہے۔ سنئیر صحافی تیاض شاہد کے مطابق 16 کمپنیوں کے 500 اہلکار راولاکوٹ پہنچ چکے ہیں جبکہ دیگر مقامات پہ بھی پولیس کے دستے پہنچ رہے ہیں۔
ياد رہے کہ عوامی ايکشن کميٹی پونچھ نے کل 21 دسمبر کو پونچھ کے تمام داخلی خارجی راستے بند جبکہ شاہراہ غازی ملت پہ غیر معینہ مدت تک دھرنا دینے کا اعلان کر رکھا ہے۔ عوامی ایکشن کمیٹی کے مطابق کل صبح 10 بجے کھائی گلہ ميں احتجاجی جلسہ ہو گا جس کے بعد تمام قافلے شاہراہ غازی ملت کا رخ کرینگے جہاں پونچھ کے دیگر علاقوں سے ساتھ مشترکہ دھرنا دیا جائے گا ۔

مزيد برآں انتظامیہ سے گزشتہ روز ہونے والے مذاکرات ناکام ہوگۓ تھے جس کے بعد عوامی ایکشن کمیٹی پونچھ نے 21 دسمبر کو پرامن احتجاج کی کال کو برقرار رکھتے ہوئے عوام الناس سے شرکت کی اپیل کر رکھی ہے اور اس احتجاج کو روکنے کے لئے اب تک کی معلومات کے مطابق ولیس کی بھاری نفری طلب کر لی گئی ہے۔

بشکريہ قمر عزيز