راولاکوٹ : سڑک کی ناقص تعمير کيخلاف شہريوں کا احتجاج، پوليس کا بدترين تشدد، متعدد زخمی
![](http://poonchtimes.com/wp-content/uploads/2020/11/50EB10E0-6B8C-4B03-B88A-67BAD9E351C3-720x450.jpeg)
پونچھ ٹائمز ويب ڈيسک
پاکستانی زير انتظام جموں کشمير کے شہر راولاکوٹ ميں راولاکوٹ تولی پیر روڈ کے حوالہ سے عوامی ایکشن کمیٹی پونچھ کے زير اہتمام احتجاجی مظاہرہ کا اعلان کيا گيا تھا۔ مظاہرين شديد موسم اور بارش کے باوجود راولاکوٹ تولی پیر روڈ کے حوالہ سے کمشنر آفس کے سامنے پرامن دھرنا دینا چاہتے تھے ۔ مگر پُرامن مظاہرين پر دھاوا بول ديا۔ آنسو گيس کا بھاری استعمال کيا گيا اور پولیس نے پُرامن مظاہرين پر بدترین تشدد کيا جس کے نتيجے ميں متعدد مظاہرین زخمی ہو گۓ ہيں۔
تفصیلات کے مطابق عوامی ایکشن کمیٹی پونچھ کے زير اہتمام احتجاجی مظاہرے ميں سينکڑوں افراد شريک تھے اور ان مظاہرين کا مقصد اپنے مطالبات کے حق ميں راولاکوٹ تولی پیر روڈ کے حوالہ سے کمشنر آفس کے سامنے پرامن دھرنا دینا تھا۔ عينی شاہدين کے مطابق پُرامن شرکاء احتجاج کو چاندنی چوک راولاکوٹ میں بدترین تشدد کا نشانہ بنایا گيا۔ پوليس نے مظاہرين کو منتشر کرنے کے لئے آنسو گیس اور ڈنڈوں کا بے دريغ استعمال کيا۔ ابھی تک کی اطلاعات کے مطابق مظاہرے ميں شريک متعدد افراد زخمی ہیں تاہم اس بارے ميں مزيد تفصيلات آنا باقی ہيں ۔
پرامن مظاہرين پر پوليس تشدد کے خلاف سوشل ميڈيا پر عوام کا شديد غم و غصہ ديکھنے ميں آ رہا ہے۔ سوشل ميڈيا صارفين کا کہنا ہے کہ راولاکوٹ انتظاميہ امن و امان کی صورتحال کو بگاڑنے کی گھناؤنی سازش کر رہی ہے۔ صارفين انتظاميہ کے خلاف کاروائ کا مطالبہ کر رہے ہيں۔
Related News
![](http://poonchtimes.com/wp-content/uploads/2024/08/Azhar-400x200.jpg)
توہین مذہب یا سیاسی و سماجی مخاصمت اظہر مشتاق
Spread the love پاکستان اور اس کے زیر انتظام خطوں میں گذشتہ دہائی میں توہینRead More
![](http://poonchtimes.com/wp-content/uploads/2024/07/1-2-400x200.jpg)
جموں کشمیر پیپلز نیشنل پارٹی کی جانب سے مقبوضہ کشمیر میں بلوچ قومی تحریک اور بلوچ و پختون عوام پر ریاستی جبر پر آگہی نشستیں۔ رپورٹ
Spread the loveجموں کشمیر پیپلز نیشنل پارٹی باغ برانچ کے زیر اہتمام ضلعی دفتر اورRead More