رياست جموں کشمير کا مسئلہ کوئ زمينی يا مذہبی تنازعہ نہيں بلکہ رياستی عوام کی قومی آزادی کا مسئلہ ہے

کشمير بچاؤ يسين ملک بچاؤ مہم کا مقصد اقوامِ عالم کو رياستی عوام کے حالات سے آگاہ کرنا ہے

پونچھ ٹائمز ويب ڈيسک

امريکی رياست ٹيکساس کے شہر دلاس ميں کشمير بچاؤ يسين ملک بچاؤ مہم کے سلسلے ميں جموں کشمير لبريشن فرنٹ سياسی شعبہ کے سابق سربراہ سردار انور ایڈووکيٹ نے صحافيوں و سول سوسائٹی کو بريفنگ دی۔ اس بريفنگ ميں امتياز احمد، نعيم شريف، سجاد اصغر ، سردار منظور خان اور راجہ مظفر بھی اُنکے ہمراہ تھے۔ جموں کشمير لبريشن فرنٹ سياسی شعبہ کے سابق سربراہ سردار انور ایڈووکيٹ کا کہنا تھا کہ رياست جموں کشمير ناقابلِ تقسيم وحدت ہے اور لاکھوں کشميری عوام کی قربانياں رائيگاں نہيں جائيں گی۔ انہوں نے کہا کہ موجودہ تحریک آزادی کشمیر کے ترجمان اور اس وقت بھارت کی تہاڑ جیل میں پابند سلاسل عظيم مزاحمت کار اور جموں کشمیر لبریشن فرنٹ کے چیئرمين یاسین ملک کی زندگی کو شديد خطرات لاحق ہيں مودی حکومت يسين ملک کے ساتھ ذاتی دشمنی پر اُتر آئ ہے۔ انہوں نے کہا کہ رياستی تقسيم کسی قيمت قبول نہيں اور اگر پاکستان و ہندوستان نے ايسی گھناؤنی کوشش کی تو تيسری عالمی جنگ چھڑنے کے خطرات لاحق ہيں۔ سردار انور ايڈووکيٹ کا کہنا تھا کہ کشمير بچاؤ يسن ملک بچاؤ مہم کے دوسرے حصے ميں پاکستان اور ہندوستان کے سفارتخانوں ، اقوام متحدہ اور انسانی حقوق کی تنظيموں کے دفاتر کے سامنے احتجاجات اور تادمِ مرگ بھوک ہڑتاليں بھی کی جا سکتی ہيں۔ رياست جموں کشمير کی تقسيم کسی قيمت پر قبول نہيں کرينگے۔ انہوں نے کہا کہ save kashmir…save yasin Malik کےسلسلے میں انسانی حقوق کی تنظیموں ، صحافیوں اور تھینک ٹینکس سے رابطے کر کے عالمی سطح پر مہم چلائيں گے۔ کشمير بچاؤ يسين ملک بچاؤ مہم کا مقصد رياست کے مسئلے کو اجاگر کرنا و انسانی حقوق کی عالمی تنظيموں کو رياستی حالات سے آگاہ کرنا ہے۔ انہوں نے کہا کہ بھارت نے مقبول بٹ کو بھی شہيد کر کے اور اُنکا جسدِ خاکی بھی قيد کر کے تحريک ختم کرنے کی کوشش کی تھی مگر آج بھارت ديکھ لے کہ رياست جموں کشمير کی ہر ماں کی گود ميں مقبول بٹ پيدا ہو چُکا ہے۔ انہوں نے کہا کہ رياستی تقسيم کے بارے ميں ہندوستان اور پاکستان کے حکمران ايک ہی پيج پر ہيں رياستی تقسيم کا عمل دونوں کی مفاہمت و مشاورت سے ہو رہا ہے جسے رياستی عوام کسی قيمت قبول نہيں کرينگے۔ انہوں نے مزيد کہا کہ کشمير بچاؤ يسين ملک بچاؤ مہم عالمی اداروں کی آنکھيں کھولنے کی بھرپور کوشش کرے گی اور ہم رياست جموں کشمير کی قومی آزادی، خود مختاری و غير طبقاتی سماج کے قيام تک جدوجہد جاری رکھيں گے۔