پونچھ ٹائمز

جموں کشمیر لبریشن فرنٹ ممبر ایڈوائزری کونسل یواے ای حافظ صدیق نے کہا ہے کہ شہید کشمیر مقبول بٹ شہید نے تختہ دار پر چڑھ گے لیکن ضمیر کا سودا نہیں کیا مقبول بٹ شہید نے جموں کشمیر کی آزادی کا خواب دیکھا، اس خواب کی تکمیل کیلئے جدوجہد کی اور اسی راہ پر چلتے ہوے اپنی جان کانذرانہ پیش کیا۔

جموں کشمیر لبریشن فرنٹ ممبر ایڈوائزری کونسل یواے ای حافظ صدیق گزشتہ روز یواے ای میں صحافیو ں سے گفتگو کر رہے تھے۔ انھوں نے کہاکہ شہید کشمیرمقبول بٹ نے مادر وطن کی خاطر اپنی جان کا نذرانہ پیش کرکے کشمیریوں کو اپنی منزل کے تعین کی رہنمائی کی۔

انہوں نے کہا کہ شہید کشمیرمقبول بٹ کے نظریات و افکار کی روشنی میں تحریک آزادی کشمیر کے لیے جدوجہد جاری رکھیں گے۔مقبول بٹ شہید کشمیریوں کی آزادی کی تحریک کے روح رواں ہیں، جن کی زندگی کشمیر کی آزادی کی تحریک سے عبارت ہے۔ شہید کشمیرمحمد مقبول بٹ تحریک آزادی کشمیر کا بنیادی ستون اور آزادی کی علامت ہیں،ان کے مشن کی تکمیل ہی ہماری جدوجہد کا مرکز ومحور ہے۔

انہوں نے مزيد کہا کہ شہید مقبول بٹ کے افکار اور نظریات کے مطابق کشمیر کی مکمل آزادی تک جہدوجہد جاری وساری رکھیں گے،انھوں نے کہاکہ ہم اپنے عظیم قائد مقبول بٹ شہید اور شہدا چکوٹھی کی جدوجہد کو منزل کی جانب پہچانے کیلئے اپنی آواز شامل کرتے ہوئے آزادی کے سفر میں اپنا حصہ بھی ڈال سکیں۔