پونچھ ٹائمز رپورٹ

جموں کشمير نيشنل اسٹوڈنٹس فيڈريشن کے سابق مرکزی صدر کامريڈ امجد شاہسوار گزشتہ روز ملائشيا ميں انتقال کر گۓ ہيں۔ انکی موت کی خبر پھيلتے ہی سوشل ميڈیا پر ہر مکتبہ فکر کے فرد کی جانب سے انتہائ رنج و غم کا اظہار ديکھنے کو مل رہا ہے۔ ملائشيا ميں موجود کامريڈ امجد شاہسوار کے دوستوں سے رابطے پر معلوم ہوا کہ لاش کا پوسٹمارٹم کيا جا چُکا ہے اور پوسٹمارٹم رپورٹ کے مطابق انکی موت ہارٹ اٹيک سے واقع ہوئ۔ پوسٹمارٹم رپورٹ ملنے کے بعد وطن واپسی کے انتظامات شروع کئے جا چُکے ہيں۔

ادھر پاکستانی زير انتظام جموں کشمير کے تمام مکتبہ فکر کے لوگوں اور پاکستان و دُنيا بھر ميں موجود انقلابی و ترقی پسند سوچ کے حامل افراد کامریڈ امجد شاہسوار کی اچانک موت پہ صدمے سے دو چار ہيں۔

کامريڈ امجد نے اپنی زندگی انقلابی نظريات کی آبياری ميں صرف کی ہے اور پچھلے کافی سالوں سے ملائشيا ميں مقيم تھے۔ انقلابی اور ترقی پسند نظریات رکھنے والے لوگ اس وقت کامريڈ امجد کی موت کو پوری دُنيا کے محنت کشوں کا نقصان قرار دے رہے ہيں۔ يہ امر انتہائ تکليف دہ ہے کہ رياست جموں کشمير کے شہری اپنی رياست ميں کسی بھی قسم کا معاشی ڈھانچہ نہ ہونے کی وجہ سے ہجرت پر مجبور ہيں اور اسی کشمکش ميں انقلابی نوجوان رہنما کامريڈ امجد شاہسوار بھی اپنی زندگی کا چراغ گُل کر چُکے۔

اب ديکھنا يہ ہے کہ ايسے انقلابی نوجوانوں کی موت رياستی عوام کا کسی طور رويہ بدلنے ميں معاون ثابت ہو گی جس کے نتيجے ميں رياستی عوام اپنے انسانی حقوق کے کئے اُٹھيں گے يا بيرون ممالک سے اپنے پياروں کے تابوت وصولنے اور خاموشی پہ ہئ اکتفا کريں گے۔