خطہ “آزاد کشمیر” ساڑھے چار ہزار مربع میل علاقہ جو “آزاد حکومت ریاست جموں کشمیر” کے زیرانتظام واحد چوراسی ہزار چار سو اکہتر مربع میل ریاست جموں کشمیر کا علاقہ ہے۔ جلد یا بدیر اسلام آباد اور پنڈی کی سرکاروں کے مستقبل کے ارادوں کے ہاتھوں شہید ہونے کی سعادت کے قریب تر ہے۔

ہندوستان کی طرف سے 5 اگست 2019 کے آرٹیکل 370 کے خاتمہ کے بعد سرکاران پاکستان سپریم کورٹ، چودھویں ترمیم ایکٹ 74, سینیٹ پاکستان کے مظفرآباد میں سیشن کرنے کی کوشش، کشمیر ہائی وے کے نام کی تبدیلی کی کوششوں کی روشنی میں لفظ کشمیر کے خاتمہ کی سرکار پاکستان کی مساعی سے لگتا ہے، سرکاران پاکستان کو لفظ کشمیر سے خاص بیماری لگ چکی ہے۔ اور پے درپے کوششیں کر رہی ہے کہ لفظ کشمیر کے خاتمہ سے اپنی سہل طبع کا انتظام کرے۔

“آزاد کشمیر” نامی خطہ کی کتنی زندگی باقی ہے۔ سرکاران پاکستان پر منحصر ہے۔ مگر قارئین سے فاروق حیدر وزیراعظم آزاد کشمیر کی وہ بات سچ ہونے کے قریب تر ہے کہ وہ اس خطہ کے آخری وزیراعظم ہوں گے۔