زندگی کا طویل حصہ اپنے عوام کو شعوروآگہی دینے کے دوران اچھے اچھے دوستوں کو بھی گنوایا جو قوم سے مایوس ہو کر تحریک سے کنارہ کشی اختیار کر گئے ۔ لیکن آج بھی کشمیری قوم دنیا کی پسماندہ قوم ہے کیونکہ آزاد کشمیر میں اقتدار برادریوں کی اور پاکستان کی وفاقی حکومت کا محتاج ہے یہاں پر کبھی بھی صاف شفاف الیکشن نہیں ہوئے یہاں پر کامیاب امیدوار کو جب تک جی ایچ کیو سے کلین چٹ نہیں ملے گی کامیابی اس کا مقدر نہیں بن سکتی اس طرح اکثریتی برادری سے ایسے شخص کا چناؤ کیا جاتا ہے جو صرف پاکستانی اسٹیبلشمنٹ کی پالیسی کو فالو کرے اسے پاکستان میں مرکزی حکومت کے تابع مرکزی سیاسی جماعت کا ٹکٹ دیا جا تا ہے اور اسے جیتنے کے لئے مرکز سے گرانٹ دی جاتی ہے اس طرح وہ اپنے حلقے میں اپنی برادری کے کھڑپینچوں کے ذریعے ووٹوں کی خریدوفروخت کے مکروہ دھندے کے ذریعے جیتنے میں کامیاب ہو جاتا ہے اس طرح یہ بلی چوہے کا کھیل آزاد کشمیر میں کامیابی سے میں جاری ہے۔
آزاد کشمیر میں پچھلے تیس سال سے بلدیاتی الیکشن نہ ہونے کی ایک وجہ ٹیلنٹ کا راستہ روکنا ہے کیونکہ اگر عوام باشعور ہو گئے تو اس سے بھی وفاق پاکستان کی کشمیر دشمن پالیسیوں کے ناکام ہونے کا خدشہ پیدا ہو جائے گا اس طرح وفاق آزاد کشمیر کو اپنی مرضی سے ہانکنے میں کئی مشکلات کا شکار ہو جائے گا اس طرح اپنوں کی ریشہ دوانیوں اور اپنے خیر خواہوں کی سازشوں کے باوجود میں سلام پیش کرتا ہوں ان تمام محب وطن جوانمردوں کو جو ان نامساعد حالات میں بھی سیسہ پلائی دیوار بن کر ان سازشوں کا مقابلہ کر رہے ہیں اور انشاء آللہ اللہ ہمارا حامئ ومدگار ہے اپنوں اورغیر ملکی سازشوں کے باوجود ہم آزادی کی منزل حاصل کر کے رہیں گے۔