گرفتارياں عوامی آواز کو دبانے اور اپنے حقوق کے لئے تشدد کا راستہ اختيار کرنے پر مجبور کرنا ہے

پونچھ ٹائمز ويب ڈيسک

پاکستانی زير انتظام جموں کشمير ميں کل 13 جنوری کو عوامی ايکشن کميٹی کی جانب سے آٹے کی قيمتوں ميں اضافے کے خلاف دی جانے والی احتجاجی کال کو ناکام بنانے کے لئے حکومت حرکت ميں آ چُکی ہے۔ پوليس نے عوامی ايکشن کميٹی کے متعدد راہنما گرفتار کر لئے ہيں اور مزيد گرفتاريوں کے لئے چھاپے مارے جا رہے ہيں۔ تفصيلات کے مطابق عوامی ايکشن کميٹی کے زير اہتمام آٹے کی قيمتوں ميں اضافے کے خلاف گزشتہ دو ماہ سے احتجاجات و دھرنے جاری رہے اور بار ہا انتظاميہ سے مذاکرات ہوۓ مگر انتظاميہ عوام کو مطمئن کرنے ميں ناکام رہی۔

عوامی ايکشن کميٹی نے پونچھ بند کرنے کا اعلان کرتے ہوۓ 13 جنوری کو احتجاج کی کال دی تھی اور انجمن تاجران نے اس کال کی بھرپور حمائت کی تھی۔ حکومت اس عوامی احتجاج سے خوفزدہ ہو کر آج عوامی ايکشن کميٹی کے رہنماؤں کو گرفتار کر رہی ہے۔ اب تک کی اطلاعات کے مطابق باغ اور راولاکوٹ سے متعدد رہنما گرفتار کئے جا چُکے ہيں جن ميں باغ سے عوامی ايکشن کميٹی کے رہنما ثاقب نعيم، عمران اکرم ، الياس کشميری، سائرس خليل، عاشر شجاع، عابد شاہين، ناصر قيوم و ديگر رہنما گرفتار کئے جا چُکے ہيں اور مزيد گرفتاريوں کے لئے پوليس چھاپے مار رہے ہی۔

اس خبر کے منظر عام پر آنے کے بعد سوشل ميڈيا پر عوام شديد غمُو غصے کا اظہار کر رہے ہين اور اسے حکومت کی جانب سے عوام کی زباں بندی اور لوگوں کو اپنے حق کے لئے پُرتشدد ہونے کا راستہ دکھانے کی گھناؤنے کوشش قرار دے رہے ہيں۔ اب ديکھنا يہ ہے کہ ان گرفتاريوں کے ساتھ احتجاج کس درجے کا ہوتا ہے اور عوام اس پر کتنا ردعمل کا اظہار کرتی ہے۔