اٹھائيس نومبر کو جاری کئے گۓ نوٹيفکيشن کے مطابق سو روپے پر بيس کلو گرام آٹا مہنگا کر ديا گيا

پونچھ ٹائمز

پاکستانی زير انتظام جموں کشمير ميں ايک ہی ماہ ميں دو دفعہ آٹے کی قيمتوں ميں اضافہ کر ديا گيا۔ تفصيلات کے مطابق آزاد کشمير حکومت نے 5 نومبر کو ايک نوٹيفکيشن جاری گيا جس ميں آٹا مہنگا کيا گيا۔ اسی مہينے ميں دوبارہ 28 نومبر کو جاری کئے گۓ نوٹيفکيشن کے مطابق حکومت نے آٹا مزيد مہنگا کرتے ہوۓ سو روپے پر بيس کلو گرام آٹے کی قيمت بڑھا دی۔

عوامی حلقوں نے آٹے کی قيمتوں ميں مزيد اضافے پر شديد ردِ عمل کا اظہار کيا ہے اور اس حکومتی طرزِ عمل کو غریب سے روٹی چھیننے کی پالیسی قرار ديتے ہوۓ اُسکی شديد مذمت کی ہے۔ سوشل ميڈيا صارفين کا کہنا ہے کہ حکومت آزاد کشمیر کی غریب دشمن پالیسی کھل کر سامنے آ گئی ہے ۔

ياد رہے کورونا لاک ڈاؤن کی وجہ سے کاروبار، انتہائی متاثر ہو رہے ہیں اور محنت کش طبقہ سخت مشکلات سے دوچار ہيں۔ آزاد حکومت عوام کو کسی طرح کا کورونا پیکج دینے کی بجائے اشياۓ خورد و نوش مزيد مہنگا کر رہی ہے جو کہ غريب عوام کيليے کسی ایٹم بم سے کم نہيں ہے۔ ذرائع کے مطابق آزادکشمير ميں آٹے کا کوئ بحران نہيں ہے پھر بھی حکومت بغير کسی وجہ کے عوام پر مہنگائ کا ظلم ڈھاتی ہی جا رہی ہے۔

اس صورتحال سے عوامی حلقوں ميں شديد اضطراب پايا جاتا ہے اور اگر حکومتِ وقت نے اس مہنگائ کا ازالہ نہ کيا تو آزادکشمير بھر ميں مہنگائی مخالف احتجاجات ديکھنے کو مل سکتے ہيں۔ چونکہ کورونا حالات اور لاک ڈاؤن کی وجہ سے عوام کی قوتِ خريد پہلے ہی جواب دے چُکی ہے اور اوپر سے مزيد مہنگائ عوام کی کمر توڑ رہی ہے۔ سوشل ميڈيا صارفين موجودہ حکومت کو ناکام قرار دے رہے ہيں۔