نکيال (ويب ڈيسک) معروف صحافی ساجد صديقی نے کہا ہے کہ اگرچہ حلقہ نکیال کے دور دراز علاقوں میں پختہ سڑکیں بننے سے لوگوں کی مشکلات کم ہوئيں ہيں مگر بدترین ناقص میٹریل کے استعمال کیوجہ سے ابھی کام ختم نہیں ہوا کہ ساری ناقص کارکردگی کُھل کر سامنے آ گئی ہے۔ سوشل ميڈيا پر جاری اپنے بيان ميں اُن کا کہنا تھا کہ سڑکیں بنتے ہی ساتھ ساتھ اُکھڑنا شروع ہو گئی ہیں۔ عوام میں تشویش پائی جا رہی ہے کہ ایسا ناقص کام کبھی ہوتے نہیں دیکھا۔ لوگوں کا کہنا ہے کہ وزیر حکومت سردار فاروق سکندر اور انتظامیہ اِس طرف خصوصی توجہ دیں تاکہ معیاری سڑکیں بن سکیں جو کچھ وقت نکال بھی سکیں۔