پونچھ ٹائمز ويب ڈيسک

جموں کشمیر عوامی ورکرز پارٹی نے 22 اکتوبر کو يومِ سياہ منانے کا اعلان کرتے ہوۓ کہا ہے کہ 22 اکتوبر 1947 رياستی تاريخ کا سياہ دن ہے جب قبائلی حملہ آوروں نے پاکستانی ایماء پر ریاست جموں کشمیر پر حملہ کیا تھا جس سے ریاست جموں کشمیر کی وحدت پارہ پارہ ہو گئ تھی۔

سوشل ميڈيا پر جاری بيان ميں بتايا گيا ہے کہ جموں کشمیر عوامی ورکرز پارٹی 22 اکتوبر کو یوم سیاہ کے طور پر منائے گی۔ بيان ميں مزيد بتايا گيا ہے کہ اس سلسلہ میں احتجاجی مظاہرہ مورخہ 22 اکتوبر شام 4 بجے نیشنل پریس کلب اسلام آباد میں کیا جائے گا۔

جموں کشمیر عوامی ورکرز پارٹی نے احتجاجی مظاہرے میں عوام الناس سے شرکت کی اپیل کی ہے۔