بہترين نظم و ضبط پہ ايدھی ٹرسٹ کے نمائندوں کی جانب سے خراجِ تحسين

باغ، نمائندہ پونچھ ٹائمز

پاکستانی زير انتظام جموں کشمير کے ضلع باغ ميں جموں کشمیر پیپلز نیشنل پارٹی باغ نے ایدھی ویلفیئر ٹرسٹ کے تعاون سے 200 محنت کش خاندانوں تک راشن پہنچایا۔ جموں کشمير پيپلز نيشنل پارٹی ضلع باغ کی جانب سے جاری بيان ميں

ڈپٹی جنرل سیکرٹری پاکستان ٹریڈ یونین فیڈریشن کراچی کامریڈ ناصر منصور اور ایدھی ویلفیر ٹرسٹ کا شکريہ ادا کرتے ہوۓ کہا گيا کہ ہم سب کے مشکور ہيں اور جن محنت کشوں نے اس پوری سرگرمی کے دوران انتہائی نظم وضبط کا مظاہرہ کیا ان کے بھی مشکور ہیں۔

بيان ميں کہا گيا کہ دوران سرگرمی سامان وصول کرتے ہوۓ کسی بھی محنت کش کی تصویر بنانے پر پابندی تھی۔

ایدھی فاونڈیشن کے نمائندوں کے مطابق پورے پاکستان میں ریلیف سرگرمیوں کے دوران ایسا نظم وضبط نہیں دیکھا جتنا باغ کے محنت کشوں میں دیکھا ہے۔

جاری بيان کے مطابق جموں کشمیر پیپلز نیشنل پارٹی باغ نے سب کا شکریہ ادا کيا ہے۔