مظفرآباد اور گلگت کو دو انتظامی حصوں میں مستقل طور پر تقسیم کئے رکھنے کا مقصد اس خطے کے وسائل اور سرمایہ پر اسلام آباد پنڈی کے قبضے کو تحفظ دینا ہے اور غیر ریاستی لوگوں کو آباد کر کے ریاست کے (سٹیٹ سبجیکٹس) شہریوں کو اقلیت میں بدلنا ہے اور جو بھی سہولت کار اس تقسیم کو جاری رکھنے کے لئے پنڈی اسلام آباد کا ساتھ دے رہے ہیں وہ اپنے دھرتی کے مفادات کے خلاف کھڑے ہیں اور اپنے وطن سے دشمنی کر رہے ہیں ۔
عبوری صوبے اور آزاد کشمیر کے نام پر قابض ریاست اس خطے کو دو حصوں میں تقسیم رکھ کر, وسائل کو ستر سال کے بعد بھی مستقبل طور پر لوٹنے کا منصوبہ بنا رہی ہے اس کو اور نہ ہی اس منصوبے میں شامل سہولت کاروں کو جموں کشمیر گلگت بلتستان کی دھرتی معاف کرے گی اور نہ ہی دھرتی کے وفادار بیٹے اور بیٹیاں معاف کریں گی, دھرتی کے وفادار سچے لوگ, لاکھوں شہدا کے خون کو, سہولت کاروں کی اولادوں کی عیاشیوں کے لئے رائیگاں نہیں جانیں دیں گے اور ویسے بھی جو لوگ اپنی ذاتی فائدے کے لئے اپنی دھرتی سے غداری کرتے ہیں وہ اس دھرتی میں رہنے کا حق کھو دیتے ہیں, اس لئے یہ دھرتی نہ تو اس تقسیم کے جرم میں شریک سہولت کاروں کو پناہ دے گی اور نہ ہی سہولت کاروں کی اولادوں کو۔