اسرائیلی اور امریکی ایڈیٹنگ سوفٹ ویئر کی پرزور مذمت کرتے ہیں جس کی مدد سے موساد نے انتہائ سادہ اور پر وقار بچوں کو “سور کے بچے” بنا کر رکھ دیا۔

تحریک آزادی کشمیر کے اس نازک موڑ پر راہبر منزل سردار میر اکبر صاحب کی شیریں اور پر مسرت گفتگو کو شر انگیز بنا کر نرنندرا مودی آزادی کے دیوانوں کو ورغلا نہیں سکتے ۔

کوٹلہ گھانکرا، رتنوئ سے لیکر ساہلیاں تک موٹر ویز کا جال ، شہر کا مثالی ترین نظام انعکاس اور پریشاں ٹمبر مافیا کی ویران آرا مشینیں ہمارے عظیم وزیر کی شبانہ روز محنت کا منہ بولتا ثبوت ہیں۔

لیڈرز روز روز محبت سے گفتگو نہیں کرتے، سمندر پار برتن مانجنے والے بیوقوف اپنے عظیم مسیحا کی پھستلی زبان اور بڑتے ہوے سرمائے پر حاسدانہ نظر رکھنے کے بجائے حضور کے کار ہاے نمایاں پر نظر رکھیں۔ اور اگر کچھ نظر نہ آے تو مشتاق منہاس صاحب کے بناے گئے ہارٹ انٹر نیشنل ہسپتال کے شعبہ بصارت میں کچھ عرصہ داخل رہ کر اپنی سیاسی بصیرتوں کا علاج کروائیں، شرطیہ افاقہ ہو گا۔