سابق ترجمان جے کے پی این پی کامريڈ حبیب الرحمن نے کہا ہے کہ ڈیڑھ ارب امریکی ڈالر کے ایک اور معاہدے پر آزاد پتن (پونچھ) پاور پراجیکٹ پر مزید وسائل چھیننے کے لئے دستخط ہوئے ، کوئی بھی ان معاہدوں میں آزاد جموں کشمیر حکومت کے کردار کی وضاحت کرسکتا ہے؟ انہوں نے کہا کہ نام نہاد آزاد کشمير کی حکومت ان منصوبوں ميں اپنے کردار سميت معاہدات کو عوام کے سامنے لائيں۔ انہوں نے کہا کہ پاکستان جموں کشمیر کے دریاؤں کو بیچنے کے لئے چوری کررہا ہے ، ان دریاؤں کی ملکیت صرف نام نہاد (آزاد) جموں کشمیر کے لوگوں کو جاتی ہے ، ان چوری معاہدوں کو بند کرو ہماری زمین اور وسائل کو تباہ کرنا بند کرو۔
انہوں نے جاری بيان ميں کہا کہ نام نہاد آزاد حکومتی کے دلال حکمران صرف بے توقير اقتدار کے لئے مُنشی گيری کا کردار ادا کر رہے ہيں۔ انہوں نے کہا کہ اس سارے عمل ميں ہمارے وسائل اور زمينيں ہی نہيں ہم سے چھينيں جا رہيں بلکہ ہمارے جنت جيسے ماحول کو بھی آگ لگائ جا رہی ہے جس کا اندازہ عوام کو آنيوالے وقت ميں ہو گا۔ پانی اکيسويں صدی کا تيل ہے اور ہمارے پانيوں کو چوری کر کے اس پہ مختلف منصوبے بناۓ جا رہے ہيں اور عوام کو کانوں کان خبر تک نہيں۔ انہوں نے عوام سے اپيل کی ہے کہ اپنی آنے والی نسلوں کی بقاء کی خاطر سامراج اور اسکے آلہ کاروں و دلالوں کی سازشوں کے خلاف کھڑے ہوں ورنہ افسوس سے ہاتھ ملتے رہيں گے۔