دريا بچاؤ تحريک کے سينئر رہنما میر افضال سلہریا نے کہا ہے کہ فاروق حيدر نيلم جہلم کا سودا کرنے کے بعد آزاد پتن منصوبے پر بھی سر تسليمِ خم کر چُکے ہيں۔ انہوں نے کہا کہ نام نہاد وزير اعظم اقتدار کے لئے آزادکشمير چين اور واپڈا کو تحفے ميں بھی دے سکتے ہيں۔ انہوں نے کہا کہ آڈيو کال ليک والا معاملہ محض عوام کی توجہ ہٹانے کی کوشش ہے۔

کبھی مسیحا کبھی آقا کبھی رہبر رہے ہیں
کشمیر تیرے قاتل بھی کتنے معتبر رہے ہیں

وزیراعظم جو تصویر میں ہاتھ باندھے اپنے آقاؤں کے سامنے انتہائی مودبانہ انداز میں آزاد پتن پاور پراجیکٹ کے چین اور پاکستان کے درمیان معاہدے کے موقع پر سہولت کاری کے فرائض سرانجام دے رہے ہیں ۔نیلم کے رخ کی تبدیلی کروا کر واپڈہ کے چیرمین کو شیلڈ پیش کرنے والے فاروق حیدر صاحب نے اقتدار کیلے جہلم دریا کا سودا کیا اور آج آزاد پتن پراجیکٹ پر بھی سر تسلیم خم کر لیا
آپ اختلاف کرنے کا حق رکھتے ہیں لیکن اگر فاروق حیدر صاحب کو اگلے پانچ سالہ دور حکومت میں وزیراعظم رکھنے پر اتفاق ہو تو یہ محترم آزاد کشمیر کی پینتالیس لاکھ آبادی اور ساڑھے چار ہزار مربع میل کا علاقہ بھی چین اور واپڈہ کو بطور تحفہ پیش کر سکتے ہیں یہ آڈیو سکینڈل جیسے ڈرامے دریاؤں کی فروخت کی گھناؤنی حرکت سے عوام کی توجہ ہٹانے کی کوشش ہے اور کچھ بھی نہیں۔