محکوم اور مظلوم عوام کو باشعور اور منظم کر کے ہی آزادی کا حصول ممکن بنایا جا سکتا ہے اور عوام کو انقلاب سے گزار کر ہی ان کو اچھا مستقبل دیا جا سکتا ہے اور یہ کام ایک انقلابی تنظیم ہی کر سکتی ہے اور ایک انقلابی تنظیم کی تعمیر ایک مشکل, پیچیدہ, تھکا دینے والا کام ہے جو کہ بہت ہی صبر آزما اور حوصلے کا کام ہے۔ اس کام کا فریضہ وہ لوگ سرانجام نہیں دے سکتے جو مصلحت اور آزاد خیالی کا شکار ہوں
اور اس کام میں شخصیت پرستی، انفرادیت پسندی، اقربا پروری اور ذاتی پسند, نہ پسند جیسی بیہودہ روایات اور عمل کی تو بلکل بھی گنجائش نہیں اور اس کام سے جڑے لوگ جب تک صیح کو صیح اور غلط کو غلط نہیں کہتے وہ کامیاب نہیں ہو سکتے۔ اس کے ساتھ جو اہم بات جڑی ہے وہ ہے دلیل۔ جو خوائش اور جذبوں کو اپنے تابع رکھتے ہوۓ اگے بڑھتی ہے اور راہنمائی کا کردار ادا کرتی ہے ۔
اس لئے اجتماعی مفاد اور اجتماعیت کا تقاضا ہے کہ نظریے اصول اور دلیل کے ساتھ کھڑا ہوا جاۓ نہ کہ کسی فرد تنظیمی دھڑے کے ساتھ اور نہ ہی پارٹی عہدے کے حصول کے لئے کسی ایسے فرد کی بے اصولی و نظریاتی انحراف کے ساتھ کھڑا ہوا جاۓ جو اپنی چالاکی اور چالبازی سے وقتی طور پر تنظیم میں زیادہ اثر رسوخ رکھتا ہو اور تنظیمی عہدوں کی تقسیم کار میں ذاتی وفاداروں کو فائدہ پہنچانے میں سرگرمی دیکھاتا ہو اور کامیاب ہوتا آیا ہو۔ تا کہ اس کا اثر رسوخ تنظیم میں قائم رہے اور تنظیم اس کی خوائش اور ضرورت کے تحت کام کرتی رہے۔
اس لئے تنظیم کی تعمیر سب سے پہلے ناقابل مصلحت آزاد خیالی سے پاک کردار کا تقاضا کرتی ہے ۔
اس لئے جب تک انقلابی تنظیم کی تعمیر میں سرگرم عمل کارکنان عوام نظریہ اور تنظیم کے مفاد کے لئے اصولوں کے ساتھ کھڑے نہیں ہوں گے وہ انقلابی تنظیم تعمیر نہیں کر سکیں گے چاہے وہ دسیوں لاکھ لوگوں کا اجتماع کر لیں اور اپنے لاکھوں چاہنے والے پیدا کر لیں۔
دس بیدار ،منظم، پیشہ ور،وقف شدہ انقلابیوں کی اجتماعی مقصد اور ہدف کے لئے ایکتا اور اگٹھ کی طاقت ہزاروں لاکھوں کے برابر کی ہوتی ہے ۔
منظم باشعور عوام اور انقلابی تنظیم کو کوئی فوج کوئی طاقت شکست نہیں دے سکتی

اُٹھو تم سب جو غلام نہيں ہو گے !!