گلگت مظفرآباد کو ایک دوسرے سے الگ کر کے جموں کشمیر کی دونوں اکائیوں سے وسائل لوٹنے میں آسانیاں پیدا کرنے والے, جموں کشمیر کے عوام کے ہمدرد کیسے ہو سکتے ہیں؟ قابضین کو جموں کشمیر کے عوام سے نہیں ان کے وسائل سے پیار ہے اس لئے یہ جموں کشمیر کی مختلف اکائیوں کے درمیان نفرت پیدا کرنے کے لئے تسلسل سے پروپگنڈا کرتے رہتے ہیں اور تاریخی واقعات کو توڑ موڑ کر اپنی من پسند کہانیاں بنا کر عوام کو گمراہ کرتے ہیں, ان کا نفرت کا پرچار ہر وقت جاری رہتا ہے تا کے لوگ ان قابض ملکوں کے خلاف, اپنے حق کے لئے, جدوجہد کرنے کے بجائے ایک دوسرے سے الجھے رہیں اور ایک ہو کر اپنے وسائل پر جاری ڈاکے پر روک نہ لگا سکیں
جموں کشمیر کے سارے عوام اور ساری اکائیوں کا مشترکہ سوال, ان کا حق آزادی, حق ملکیت اور حق حاکمیت ہے, جس حق کو دو قابض ملکوں نے غصب کر رکھا ہے, عوام کی مشترکہ جدوجہد ہی ان کو ان کا حق دلا سکتی ہے۔