سدھنوتی (پونچھ ٹائمز ويب ڈيسک) پاکستانی زير انتظام جموں کشمير کے ضلع سُدھنوتی ميں جموں کشمير لبريشن فرنٹ (جے کے ایل ایف ) گڑالہ یونٹ کے زیر اہتمام آج بروز بُدھ بھارت کی طرف سے 5 اگست 2019 کو ریاست جموں کشمیر کی خصوصی حیثیت ختم کر کے بھارتی زير انتظام علاقوں کو ہندوستانی يونين ميں شامل کرنے کے خلاف اور گلگت بلتستان میں سٹیٹ سبجیکٹ رول کی بحالی کے لیے گڑالہ کے مقام پر احتجاجی مظاہرہ کا انعقاد کیا گیا۔ مظاہرين نے ہندوستانی اقدامات کی بھرپور الفاظ ميں مذمت کرتے ہوۓ کہا کہ رياست جموں ناقابلِ تقسيم وحدت ہے اور اُسکی تقسيم کی ہر سازش کو ناکام بنايا جاۓ گا۔ مظاہرين نے مطالبہ کيا ہے کہ رياست جموں کشمير عالمی تسليم شُدہ مقبوضہ علاقہ ہے جسکا فيصلہ ہونا ابھی باقی ہے، اسليے پاکستان و ہندوستان اپنے توسيع پسندانہ عزائم سے باز آئيں اور رياست کا سٹيٹس بحال کرتے ہوۓ گلگت بلتستان ميں سٹيٹ سيبجيکٹ رُول کو بحال کيا جاۓ۔ تاکہ اقوامِ مُتحدہ کی قراردادوں کے مطابق رياستی عوام اپنے مستقبل کا خُود فيصلہ کر سکے۔

مظاہرے کے بعد جے کے ایل ایف گڑالہ یونٹ کے آفس کا افتتاح بھی کیا گیا۔