پونچھ ٹائمز ويب ڈيسک

پاکستانی زير انتظام جموں کشمير کے علاقے ہجيرہ کے گاؤں گھمير ميں اپنے بنيادی انسانی حقوق کے لئے سراپا احتجاج گھمیر ریوولوشنری یوتھ موومنٹ نے کہا ہے کہ وہ گزشتہ پانچ دنوں سے بنيادی انسانی ضروريات کے لئے احتجاج کر رہے ہيں مگر انتظاميہ کو ٹس سے مس تک نہيں۔ ترجمان گھمیر ریوولوشنری یوتھ موومنٹ کی جانب سے سوشل ميڈيا پر جاری بيان ميں مومنٹ کا کہنا تھا کہ جیسا کہ تمام لوگ جانتے ہیں آج ہم نے ٹانڈہ گھمیر ایک میٹنگ بلائی تھی۔ جس میں گھمیر ریوولوشنری یوتھ موومنٹ کے کام کا لائحہ عمل سامنے لایا جانا تھا۔ اس میٹنگ گھمیر کے کونے کونے سے لوگوں کی شرکت اور جذبات کی وجہ سے علامتی پروٹیسٹ کرنا پڑا۔ جس میں سٹیج سیکرٹری کے فرائض مرکزی چیرمین جے کے ایس ایل ایف یاسر ارشاد گھمیر ریوولوشنری یوتھ موومنٹ کے ممبر مرکزی کمیٹی نے ادا کیئے۔ تلاوت قرآن پاک سے آغاز ممبر رابطہ کمیٹی اور وٹس ایپ گروپ ایڈمن ظفر اقبال نے کیا۔ اس کے بعد مرکزی ڈپٹی چیرمین مالیات این ایس ایف اور ترجمان گھمیر ریوولوشنری یوتھ موومنٹ نے تمام مطالبات سامنے رکھے اور کہا کہ ہم پانچ دن سے پر امن کیمپ لگا کر بیٹھے ہیں لیکن ابھی تک کوئی زمہ دار ہمارے پاس نہیں آیا۔ ہمارے مطالبات جائز ہیں اور آج علامتی پروٹیسٹ سے باور کرانا چاہتے کہ اگر ہمارے مطالبات پر غور نہیں کیا جاتا تو ہم پر تشدد تحریک چلائیں گے۔

پروٹیسٹ کے بعد میٹنگ کی گئی جس میں فیصلہ کیا گیا کہ ہم گھمیر کے ہر محلے میں سیمینار، جلسے، گرینڈ اجلاس اور کارنر میٹنگز کریں گے۔ گھمیر کے ہر فرد تک اپنا پیغام پہنچائیں گے اور تمام عوام کو ساتھ ملا کر فیصلہ کن لڑائی لڑنے کی طرف جائیں گے۔ مطالبات پورے ہونے تک ہم پیچھے نہیں ہٹیں گے۔