پونچھ ٹائمز ويب ڈيسک

جموں کشمیر پیپلز نیشنل پارٹی کراچی برانچ کے صدر کامریڈ سلطان نے وائس فار مسنگ پرسن بلوچ/سندھی کے کیمپ کا اظہارِ یکجہتی کے لیے دورہ کيا۔ اپنے دورے کے دوران گفتگو کرتے ہوۓ کامريڈ سُلطان کا کہنا تھا کہ بلوچ سندھی مسنگ پرسنز کی بازیابی کی جدوجہد میں جموں کشمیر پیپلز نیشنل پارٹی بلوچ و سندھی عوام کے ساتھ کھڑی ہے۔ انہوں نے کہا کہ آزادی کی جدوجہد کو طاقت سے زیادہ دیر تک روکا نہیں جا سکتا۔

کامریڈ سلطان اور ہانی بلوچ نے دوران گفتگو کہا کہ رياست جموں کشمير کے گرفتار صحافی تنویر احمد کی غیر قانونی اور غیر آئینی گرفتاری کو بین الاقوامی فورم پر اٹھائیں گے۔ انہوں نے مزيد کہا کہ محکوم اقوام کی جدوجہد مشترکہ بنتی ہے، محکوم اقوام کی جدوجہد اپنے جوھر میں سامراج مخالف جدوجہد ہوتی ہے۔