سنا ہے ان کے اندهیروں سے ناجائز مراسم ہیں
سنا ہے روشنی کو قتل کرنا ان کا شیوہ ہے
سنا ہے شہر کی سٹرکوں پر وحشت راج کرتی ہے
کہ خیبر سے کراچی تک شریعت راج کرتی ہے
سنا ہے فوج بهی انکی
امیر شہر بهی ان کا
سنا ہے سب شریعت ہے
جبر بهی قہر بهی ان کا
ڈرے سہمے ہوئے ہیں شہر کے پیروجواں سارے
یہ جب سے فتوی آیا هے
کہ سورج روشنی جو بانٹتا ہے
جرم کرتا ہے
شریعت کا تقاضا ہے
اندهیروں کو تقدس کی نئ تلوار دی جائے
کہ سورج کی طلوع ہوتے ہی گردن مار دی جائے