راولاکوٹ (ويب ڈيسک) پروگریسویوتھ الائنس کی جانب سے گزشتہ روز راولاکوٹ پریس کلب کے سامنے کراچی سے لاپتہ ہونے والے کامریڈ آمین اور دیگر سیاسی کارکنان کی بازیابی کے لیے احتجاجی مظاہرہ کیا گیا،احتجاجی مظاہرے سے مقررین نے خطاب کرتے ہوئے کہا کہ کامریڈ آمین پر امن سیاسی کارکن ہیں جو کہ مفت تعلیم، علاج، بے روزگاری، نجکاری اور دیگر بنیادی ایشیوز کے حل کے لیے سیاسی جدوجہد کر رہے تھے جو کہ ان بنیادی آئینی اور قانونی حق ہے۔ لوکل ميڈيا رپورٹس کے مطابق 6 روز قبل کامریڈ آمین کو رات کے دو بجے ان کے گھر سے رینجرز اٹھا لے گئی تا حال ان کا پتا نہیں چل سکا کہ وہ کہا‌ں ہیں اور انہیں بغیر کسی وارنٹ کے اٹھایا گیا ہے جو انتہائی غیر قانونی اور غیر آئینی اقدام ہے،ریاست شہریوں کے بنیادی مسائل حل کرنے کے بجاے تشدد کا راستہ اختیار کر رہی ہے جو کسی بھی صورت قبول نہیں کیا جاے گا۔ رئنماؤں کا کہنا تھا کہ تشدد اور قید و بند کسی بھی صورت حق کی آواز کو دبا نہیں سکتی، پروگریسویوتھ الائنس نے تمام ساتھيوں کی فی الفور رہائ کا مطالبہ کيا ہے۔