نکيال (ويب ڈيسک ) فتح پور تھکیالہ ،موہڑہ سے کوٹلی جانے والا کیری ڈبہ پئیر نسوڑہ کے مقام پر حادثہ کا شکار ہو گيا جس کے نتيجے ميں 2خواتین اور ایک بچی سمیت 4 افراد جاں بحق جبکہ 3افراد شدید زخمی ہو گۓ۔ لوکل ميڈيا کے مطابق پولیس ذرائع نے بتايا ہے کہ گاڑی کیری بولان نمبر 591 کھنڈیل پیر نسوڑہ کے مقام پر گہری کھائی میں جا گری جس کے نتيجے ميں ايک بچی اور 2 خواتین سمیت 4 افراد جاں بحق ہو گۓ جبکہ 3 افراد زخمی ہو گے ۔کیری بولان موہڑہ سے کوٹلی جا رہا تھا کہ پیر نسوڑہ پہاڑی پر سینکڑوں فُٹ گہری کھائی میں جا گرا۔زخمیوں اور جاں بحق افراد کو لٹیری کے رضا کاروں نے ہسپتال منتقل کیا جبکہ شدید زخمی ایک عورت کو کوٹلی منتقل کر دیا گیا ہے۔ جاں بحق ہونيوالے افراد کا تعلق موہڑہ دھروتی سے ہے ۔