تقسیم پنجاب؛ کلام: امرتا پریتم
اج آکھاں وارث شاہ نوں کیتوں قبراں وچوں بول
تے اج کتابِ عشق دا کوئی اگلا ورقہ پھول
اِک روئی سی دھی پنجاب دی تُوں لکھ لکھ مارے وین
اج لکھا دھیاں روندیاں تینوں وارث شاہ نوں کہن
اُٹھ دردمنداں دے آ دردیا اُٹھ تک اپنا پنجاب
اج بیلے لاشان وچھیاں تے لہو دی بھری چناب
کسے نیں پنجاں پانیاں وچ دتی زھر رلا
تے اوناں پانیاں دھرت نُون دتا پانی لا
ایس زرخیز زمیں تے لُوں لُوں پھُتیا زھر
گِٹھ گِٹھ چڑھیاں لالیاں تے فُٹ فُٹ چڑھیا قہر
جتھے وجدی سی پھُوک پیار دی او ونجلی گئی گواچ
رانجھے دے سب ویر اج بھُل گئے اوسدی جاچ
دھرتی تے لہو وسیا قبراں پئیان چون
پریت دیاں شہزادیاں اج وچ مزاراں رون
اج سبھو قیدی بن گئے حُسن عشق دے چور
اج کتھوں لیائی اے لبھ کے وارث شاہ اک ھور
اج آکھاں وارث شاہ نوں کیتوں قبراں وچوں بول
تے اج کتابِ عشق دا کوئی اگلا ورقہ پھول
Related News
کاش تم ملنے اؑ جاتی۔ سمیع بلوچ۔
Spread the loveکبھی کبھی یہ دل میں سوچتا ہوں میں یہ زندگی تیری مخملی چادرRead More
*جام خالی، سفره خالی، ساغر و پیمانہ خالی*
Spread the loveشہر خالی، جاده خالی، کوچہ خالی، خانہ خالی**جام خالی، سفره خالی، ساغر وRead More